WelshConfed25: Cynhadless ac arddangosfa flynyddol

Mae ein cynhadledd ac arddangosfa yn uno arweinwyr iechyd a gofal a'u timau yn un o gynadleddau iechyd a gofal mwyaf Cymru.

Bydd cyfle gennych i rwydweithio ag arweinwyr a rheolwyr sydd â'r gallu i arwain a gyrru newid mewn iechyd a gofal cymdeithasol, gwrando ar sgyrsiau mewn Cyfarfodydd Llawn a gweithdai rhyngweithiol.
 

Drwy fynd i WelshConfed25 byddwch yn:

• clywed gan arweinwyr sy'n ysbrydoli syniadau o bob cwr o'r sector iechyd a gofal a thu hwnt
• cael mynediad at sesiynau diddorol ar faterion allweddol a datblygiadau pwysig ym maes iechyd a gofal, gan rannu dysgu ac arferion gorau
• rhwydweithio gyda'ch cymheiriaid a gwneud cysylltiadau newydd
• gadael wedi'ch ysbrydoli â syniadau y gallwch eu mabwysiadu a'u haddasu yn eich sefydliad.
   

Y llynedd gwnaethom ddwyn ynghyd:

• Dros 400 o gynadleddwyr
• Dros 50 o arddangoswyr
• Dros 50 o siaradwyr

Peidiwch â cholli allan – sicrhewch eich lle nawr!

Cynhelir y digwyddiad yng Ngwesty'r Hilton, Caerdydd nos Fercher 5 Tachwedd. Mae ein derbyniad cynhadledd a’r cinio ar agor i bawb. Ni allwn aros i groesawu gwesteion i greu cysylltiadau a chael eu hysbrydoli!

Mae archebion cinio wedi'u cynnwys ar y brif ddolen gofrestru.

Am ymholiadau pellach ynglŷn â'r digwyddiad, anfonwch e-bost at Sandra.cummings@welshconfed.org

Noddir y derbyniad gan: 

Noddwyd y cinio gan: 

Mae cyfleoedd nawdd ac arddangoswyr yn gwerthu'n gyflym, felly e-bostiwch Sandra.cummings@welshconfed.org am ragor o wybodaeth.

• Cyflwr iechyd meddwl y genedl (Mind Cymru)
• Sut fydd buddsoddiad diweddar mewn cyflawni ymchwil fasnachol yn gwella’r canlyniadau i gleifion? (Health and Care Research Wales)
• Ysgogi gwerth cynaliadwy hirdymor drwy optimeiddio costau yn GIG Cymru (PwC)

Cyflwr iechyd meddwl y genedl

Cefnogir y sesiwn hon gan Mind Cymru.

Mae strategaeth iechyd meddwl newydd Llywodraeth Cymru yn gynllun sy’n rhoi cyfle, ac mae ganddi’r potensial i wneud gwelliannau sylweddol i iechyd meddwl pobl yng Nghymru drwy ei gwneud yn haws cael y gefnogaeth iawn ar yr amser iawn.

Yn y sesiwn hon cewch gipolwg ar sefyllfa bresennol iechyd meddwl yng Nghymru drwy Adroddiad Iechyd Meddwl Mawr Mind Cymru, 2025. Bydd crynodeb o'r data iechyd meddwl diweddaraf yn ogystal ag adborth gan 1,500 o bobl yn rhoi golwg i chi ar yr hyn sy'n digwydd yng Nghymru o ran iechyd meddwl, a’r hyn y mae angen i'r blaenoriaethau cyflawni fod.

Siaradwyr:

• Sue O'Leary, Cyfarwyddwr, Mind Cymru
• Simon Jones, Pennaeth Polisi ac Ymgyrchoedd, Mind Cymru

Sut fydd buddsoddiad diweddar mewn cyflawni ymchwil fasnachol yn gwella’r canlyniadau i gleifion?

Cefnogir y sesiwn hon gan Ymchwil Iechyd a Gofal Cymru.

Ymunwch ag Ymchwil Iechyd a Gofal Cymru ar gyfer trafodaeth banel dros frecwast a fydd yn tynnu sylw at effaith buddsoddiad diweddar Llywodraeth y DU a'r sector preifat mewn cyflawni ymchwil fasnachol. Darganfyddwch sut mae'r cyllid hwn yn cyd-fynd â blaenoriaethau GIG Cymru, yn gwella’r canlyniadau i gleifion ac yn hybu effeithlonrwydd y system.

Bydd siaradwyr arbenigol yn amlinellu cynlluniau strategol i feithrin rhagoriaeth ymchwil, yn tynnu sylw at gyfleoedd ar gyfer cydweithio yn y diwydiant ac ar draws arbenigeddau, ac yn dangos sut mae ymchwil yn ysgogi’r Ddyletswydd Ansawdd ac yn cefnogi cynaliadwyedd hirdymor ar draws GIG Cymru.

Siaradwyr:

• Dr Sian Morgan, Pennaeth Labordy yn GIG Cymru, Gwasanaeth Genomeg Feddygol Cymru Gyfan
• Dr Jamie Duckers, Arweinydd Arbenigedd Anadlol, Ymchwil Iechyd a Gofal Cymru
• Joe Castle, Pennaeth Materion Allanol a Gweithrediadau (Cymru), ABPI
• Dr David Foxwell, Cyd-arweinydd Cenedlaethol, Canolfan Cyflawni Ymchwil Gofal Sylfaenol a Chymunedol, Ymchwil Iechyd a Gofal Cymru

Ysgogi gwerth cynaliadwy hirdymor drwy optimeiddio costau yn GIG Cymru

Cefnogir y sesiwn hon gan PwC.

Ymunwch ag uwch arweinwyr ar draws y Llywodraeth ac Iechyd i archwilio sut mae optimeiddio costau yn ail-lunio GIG Cymru. Bydd y sesiwn hon yn tynnu sylw at strategaethau ymarferol i leihau aneffeithlonrwydd, ail-fuddsoddi arbedion mewn gofal rheng flaen a meithrin gwydnwch ariannol. Darganfyddwch sut y gall defnydd mwy clyfar o adnoddau, penderfyniadau sy'n seiliedig ar ddata, a chynllunio integredig ddatgloi gwerth hirdymor - gan wneud hwn yn ddigwyddiad na ellir ei golli i'r rhai sy'n arwain dyfodol gofal iechyd cynaliadwy yng Nghymru.

Siaradwyr:

• David Morris, Uwch Arweinydd Partner Gofal Iechyd, PwC

• Angor y gynhadledd: Rob Osborne, gohebydd cenedlaethol ITV, cyflwynydd, awdur

• Jonathan Morgan, Cadeirydd, Conffederasiwn GIG Cymru

• Jeremy Miles, Ysgrifennydd y Cabinet dros Iechyd a Gofal Cymdeithasol, Llywodraeth Cymru

Noddir y sesiwn hon gan ABPI, ein partner yn y digwyddiad.

Siaradwr:

• Joe Castle, Pennaeth Materion Allanol a Gweithrediadau (Cymru), Cymdeithas Diwydiant Fferyllol Prydain (ABPI)

Bydd y sesiwn hon yn cyflwyno canllawiau newydd ar y cyd gan Gonffederasiwn GIG Cymru a'r ABPI, a gynlluniwyd i gefnogi cydweithio trawsnewidiol rhwng y GIG a'r diwydiant fferyllol.

Mae system iechyd a gofal integredig Cymru yn cynnig cyfleoedd unigryw, ac mae'r canllawiau'n darparu offer ymarferol i helpu sefydliadau oresgyn rhwystrau cyffredin a chyflawni gwelliannau mesuradwy yn y canlyniadau i gleifion. Ei nod yw cysoni prosiectau partneriaeth â nodau strategol, meithrin diwylliant o gydweithio a graddio mentrau llwyddiannus ar draws lleoliadau gofal.

• Cydweithio/Gweithio mewn partneriaeth – ydych chi'n manteisio i'r eithaf arno? (Novartis)
• Mynd i'r afael â chanser: Arloesedd, mewnwelediad a gweithredu dros Gymru (Hwb Gwyddorau Bywyd Cymru)
• Ymwybyddiaeth o Ofalwyr: Trawsnewid cydnabyddiaeth, parch a chefnogaeth gofalwyr ar draws lleoliadau iechyd a gofal cymdeithasol yng Nghymru (Gofalwyr Cymru ac Ymddiriedolaeth y Gofalwyr)
• Chwalu Rhwystrau: Cynhwysiant digidol ac arloesedd ar gyfer pob lleoliad gofal (Dedalus)
• Chwalu Rhwystrau: Cynhwysiant digidol ac arloesedd ar gyfer pob lleoliad gofal (Platfform)
• Iechyd a Gofal Digidol Cymru - I’W GADARNHAU

Cydweithio/Gweithio mewn partneriaeth – ydych chi'n manteisio i'r eithaf arno?

Cefnogir y sesiwn hon gan Novartis.

Bydd y sesiwn banel hon yn arddangos 'Gwasanaeth Optimeiddio Lipidau Ailfasgwlareiddio Ôl-Goronaidd Caerdydd a'r Fro', Prosiect Cydweithredol atal eilaidd CVD, rhwng Bwrdd Iechyd Prifysgol Caerdydd a’r Fro, Novartis, Amgen, Recordati a Daiichi Sankyo, gyda'r nod o wella’r canlyniadau i gleifion, gwell tegwch a mynediad at wasanaethau.

Bydd panel sy'n cynnwys arbenigwr arloesedd y bwrdd iechyd, clinigydd a chynrychiolwyr o'r diwydiant fferyllol yn trafod manteision cydweithio, y gwersi a ddysgwyd a materion allweddol i aelodau’r gynulleidfa eu cofio wrth ystyried prosiectau tebyg.

Cadeirydd y sesiwn:

• Suzanne Rankin, Prif Weithredwr, BIP Caerdydd a’r Fro

Siaradwyr:

• Chrissie Gallimore, Rheolwr Cyfrifon Strategol - Cymru, Novartis
• Zoe Hilton, Rheolwr Rhaglen Arloesi, BIP Caerdydd a’r Fro
• Yr Athro Dev Datta, Ymgynghorydd mewn Meddygaeth Metabolaidd, BIP Caerdydd a’r Fro
• Joe Castle, Pennaeth Materion Allanol a Gweithrediadau (Cymru), Cymdeithas Diwydiant Fferyllol Prydain (ABPI)
• Katrina Lowndes, Rheolwr Gweithredu Datrysiadau - DU, Novartis

Mynd i'r afael â chanser: Arloesedd, mewnwelediad a gweithredu dros Gymru

Cefnogir y sesiwn hon gan Hwb Gwyddorau Bywyd Cymru, ein partner yn y digwyddiad.

Ymunwch â ni am sesiwn ddeinamig a fydd yn archwilio sut mae Cymru'n defnyddio grym arloesedd i drawsnewid gofal canser. O ymchwil arloesol a thechnolegau sy’n torri tir newydd i nodi arwyddion ynghylch galw clinigol a phartneriaethau cydweithredol rhwng y GIG a'r diwydiant, bydd y sesiwn hon yn tynnu sylw at sut mae ymdrechion ar draws y system yn cyflymu’r broses o fabwysiadu a gweithredu atebion effeithiol. Darganfyddwch sut mae rhanddeiliaid ar draws y dirwedd iechyd, y dirwedd academaidd a’r diwydiant yn cydweithio i ddiwallu anghenion clinigol a gwella canlyniadau i bobl yr effeithir arnynt gan ganser yng Nghymru.

Siaradwyr:

• Rhodri Griffiths, Cyfarwyddwr Mabwysiadu Arloesedd, Hwb Gwyddorau Bywyd Cymru
• Neil Mesher, Cyfarwyddwr Anweithredol, Hwb Gwyddorau Bywyd Cymru
• Meinir Jones, Cyfarwyddwr Anweithredol, Hwb Gwyddorau Bywyd Cymru
• Rachel Gemine, Cyfarwyddwr Cynorthwyol Tystiolaeth, Gwerthuso ac Effeithiolrwydd, Cyd-bwyllgor Comisiynu GIG Cymru

Ymwybyddiaeth o Ofalwyr: Trawsnewid cydnabyddiaeth, parch a chefnogaeth gofalwyr ar draws lleoliadau iechyd a gofal cymdeithasol yng Nghymru

Cefnogir y sesiwn hon gan Gofalwyr Cymru ac Ymddiriedolaeth y Gofalwyr.

Bydd y sesiwn yn tynnu sylw at lansiad ein pecynnau adnoddau e-ddysgu Ymwybyddiaeth o Ofalwyr newydd ar gyfer gweithwyr gofal iechyd proffesiynol.

Bydd y cyflwyniad yn cynnwys trosolwg o'r pecyn adnoddau a'r modiwlau sydd wedi'u cynnwys yn y ddau, nodau ac amcanion y pecynnau adnoddau, pwysigrwydd bod yn ymwybodol o ofalwyr yn ogystal â throsolwg o sut y gwnaethom ddatblygu'r cynnwys a nifer y prifysgolion sydd wedi ymuno â'r rhaglen.

Siaradwyr:

• Carly Gray, Arweinydd Rhaglen, Ymddiriedolaeth y Gofalwyr
• Sioned Williams, Cydlynydd Prosiect Ymwybodol o Ofalwyr, Ymddiriedolaeth y Gofalwyr
• Rob Simkins, Pennaeth Polisi a Materion Cyhoeddus, Gofalwyr Cymru
• Jake Smith, Uwch Swyddog Polisi a Materion Cyhoeddus, Gofalwyr Cymru

Chwalu Rhwystrau: Cynhwysiant digidol ac arloesedd ar gyfer pob lleoliad gofal 

Cefnogir y sesiwn hon gan Dedalus.

Bydd trawsnewid digidol ond yn ystyrlon os gall pob claf elwa arno. Ymunwch â Lesley Birkin a David Hewitt o Ymddiriedolaeth GIG Gofal Iechyd Cyfun Gogledd Swydd Stafford (NSCHT) i archwilio ffyrdd ymarferol o gael gwared ar rwystrau, ehangu mynediad, a dylunio ar y cyd gyda chleifion. Byddant yn rhannu’r gwersi a ddysgwyd yn dilyn cyflwyno Porth Digidol ac Apiau Ymgysylltu â Chleifion, yn tynnu sylw at yr hyn a weithiodd a’r hyn na weithiodd, a sut i gefnogi clinigwyr. Gadewch gyda mewnwelediad i wasanaethau acíwt, cymunedol ac iechyd meddwl ledled Cymru, ynghyd â'r camau nesaf.

Siaradwyr:

• Lesley Birkin, Pennaeth Cyflawni Trawsnewid Digidol, Ymddiriedolaeth GIG Gofal Iechyd Cyfun Gogledd Swydd Stafford
• David Hewitt, Prif Swyddog Gwybodaeth Ddigidol, Ymddiriedolaeth GIG Gofal Iechyd Cyfun Gogledd Swydd Stafford
• Paul Harris, Rheolwr Cyffredinol Rhanbarthol GIG Cymru a'r Sector Preifat yn y DU, Dedalus

Doethineb y system: yr hyn rydyn ni'n ei ddysgu wrth i ni wrando

Cefnogir y sesiwn hon gan Platfform. 

Mae systemau iechyd a gofal cymdeithasol wedi'u trawmateiddio ac wedi’u llethu. Bydd y sesiwn hon yn sôn am ddulliau cyfannol Platfform sydd wedi'u llywio gan drawma ac wedi'u seilio ar berthnasoedd. Bydd yn sôn am straeon pobl ac amgylchiadau ehangach sy’n ganolog wrth wneud synnwyr o'r hyn sy'n digwydd ac yn eiriol dros newid gyda'n gilydd. Fe glywch chi sut y byddan nhw’n casglu straeon gan bobl yn y system – a bydd gwahoddiad i chi rannu eich profiadau – i lunio sut rydyn ni'n symud o anobaith i obaith, ac yn gofalu am ein gilydd wrth wneud hynny.

Cadeirydd y sesiwn:

• Dr Jen Daffin, Seicolegydd Clinigol Cymunedol a Chyfarwyddwr Ymarfer Perthynol, Polisi ac Ymgyrchoedd, Platfform

Iechyd a Gofal Digidol Cymru

Gwybodaeth sesiwn - I’W GADARNHAU.

Ailadrodd y sesiynau trafod uchod – gweler 9.45

• Leanne Spencer, Siaradwr gwadd rhyngwladol ac awdur llyfrau sy’n werthwyr gorau

Ni fu cyflymder y gwaith ar draws GIG Cymru erioed yn fwy. Yn y prif anerchiad rhyngweithiol hwn, bydd y siaradwr a'r awdur Leanne Spencer yn cyflwyno Cadence – dull ymarferol o gynnal perfformiad heb aberthu llesiant. Bydd cynrychiolwyr yn darganfod sut i ragweld cyfnodau o alw mawr, paratoi yn effeithiol, parchu baneri coch ac adfer yn gyflym i gynnal gwydnwch. Y canlyniad: arweinwyr iachach a mwy gwydn sy'n gallu cyflawni safonau uchel mewn cyfnodau heriol.

Mae Leanne Spencer yn siaradwr arobryn ac yn llais blaenllaw ar integreiddio llesiant i ddiwylliannau perfformiad uchel. Mae ganddi brofiad o dros 13 mlynedd yn y sector llesiant, 13 cymhwyster mewn ymarfer corff a maeth, ac mae wedi gwneud mwy na 1,000 o gyflwyniadau, ac felly mae’n dod ag arbenigedd dwfn i bob cam.

Mae Leanne wedi cyflwyno sgwrs TEDx a welwyd gan 132,000 o bobl, mae wedi ysgrifennu tri llyfr a fu’n werthwyr gorau, mae wedi cyrraedd y rownd derfynol yn y Business Book Awards ac wedi derbyn Canmoliaeth Uchel yn y Speaker Awards 2023 a’i rhoi ar y rhestr fer yn 2024.

• Sut mae meithrin partneriaethau parhaol ar gyfer iechyd a ffyniant?
• Sut mae diogelu'r dyfodol ac adeiladu gweithlu iechyd a gofal gwydn?
• A all iechyd a chynaliadwyedd fynd law yn llaw yn GIG Cymru?
• Sut all Cymru feithrin cymdeithas decach sy’n hyddysg o ran iechyd?
• Sut mae wynebu'r heriau mewn perthynas â symud gofal i'r gymuned?

Sut mae meithrin partneriaethau parhaol ar gyfer iechyd a ffyniant?

Bob blwyddyn, mae 300,000 o bobl o oedran gweithio ledled y DU yn gadael y gweithlu oherwydd afiechyd, gan danseilio iechyd a llesiant unigol yn ogystal â’n potensial economaidd ar y cyd.

Mae'r neges yn glir: ni all llywodraethau a chyrff y sector cyhoeddus ysgogi twf cynhwysol heb roi iechyd wrth wraidd eu cynlluniau, ac ni all y GIG wella iechyd y boblogaeth ar ei ben ei hun. Mae iechyd a ffyniant wedi'u cydblethu'n ddwfn ac mae gweithio mewn partneriaeth ar draws pob sector yn elfen hanfodol ar gyfer cynnydd yn y maes hwn.

Bydd y sesiwn hon yn gofyn i gynrychiolwyr drafod rôl gynyddol y GIG mewn economïau lleol a sut y gallwn gydweithio'n well â llywodraeth leol a phartneriaid eraill nad ydynt yn rhan o'r GIG i gefnogi iechyd a llesiant, ysgogi twf cynhwysol a lleihau anghydraddoldebau iechyd.

Siaradwr:

• Michael Wood, Pennaeth Partneriaethau Economaidd, Cydffederasiwn y GIG

Sut mae diogelu'r dyfodol ac adeiladu gweithlu iechyd a gofal gwydn?

Y GIG yw cyflogwr mwyaf Cymru, mae’n cyflogi dros 110,000 o bobl yn uniongyrchol ac mae’r nifer yn cynyddu. Ac eto, ym mis Chwefror 2025, adroddodd GIG Cymru bod ganddo dros 5,000 o swyddi gwag cyfwerth ag amser llawn.

Mae'r GIG yng Nghymru yn llywio tirwedd gymhleth sy'n cael ei llunio gan newidiadau demograffig a disgwyliadau gweithlu sy'n esblygu. Gyda phoblogaeth sy'n heneiddio, llwythi gwaith cynyddol a disgwyliadau sy'n esblygu, bydd y sesiwn hon yn archwilio sut mae'r newidiadau hyn yn effeithio ar bopeth o recriwtio a chadw staff i lesiant a llwyth gwaith staff.

Byddwn yn mynd y tu hwnt i'r data i drafod curiad calon gofal iechyd yng Nghymru. Byddwn yn gofyn sut y gall y cyfleoedd a ddarperir gan dechnoleg newydd a demograffeg sy'n newid ddiogelu'r gweithlu iechyd a gofal ar gyfer y dyfodol? Sut allwn ni lunio ac adeiladu gweithlu iechyd a gofal mwy gwydn a chynaliadwy sydd wedi'i baratoi ar gyfer y dyfodol?

Siaradwyr:

• Helen Watkins, Cyfarwyddwr Gweithredol Gweithlu a Datblygu Sefydliadol, Addysg a Gwella Iechyd Cymru
• Sian Richards, Cyfarwyddwr Gweithredol Digidol, Data ac Ymgysylltu, Addysg a Gwella Iechyd Cymru

A all iechyd a chynaliadwyedd fynd law yn llaw yn GIG Cymru?

Nid yw'n gyfrinach bod y GIG yn wasanaeth sy’n gyfrifol am allyriadau carbon sylweddol, a’i fod yn cyfrannu tua 5% o gyfanswm allyriadau carbon y DU. Ond datgelodd astudiaeth gan y Sefydliad Iechyd yn 2021 mai dim ond 44% o'r cyhoedd yn y DU oedd o’r farn y dylai'r GIG fod yn gyfrifol am leihau allyriadau carbon, ac roedd y rhan fwyaf o'r ymatebwyr yn rhoi blaenoriaeth i leihau amseroedd aros, cynyddu staffio a gwella gwasanaethau iechyd meddwl.

Ledled Cymru, mae gofal iechyd sy'n ystyriol o'r hinsawdd eisoes yn digwydd drwy sawl menter lwyddiannus. Ond mae GIG Cymru wedi ymrwymo i nodau hinsawdd beiddgar, ac yn anelu at dorri allyriadau 34% erbyn 2030 a chyrraedd Net Sero erbyn 2050. Mae hyn yn golygu y bydd angen i sefydliadau fynd ymhellach ac yn gynt ar adeg pan fo adnoddau dan fwy o bwysau nag erioed.

A all yr uchelgeisiau gwyrdd hyn fodoli ar y cyd â'r angen am wasanaeth iechyd ymatebol ac effeithlon? Neu a allai mesurau cynaliadwyedd effeithio’n anfwriadol ar ofal cleifion, amseroedd aros neu gostau gweithredu? A ddylai GIG Cymru flaenoriaethu gofal cleifion uwchlaw popeth arall, neu a allwn ni integreiddio arferion cynaliadwy yn amgylcheddol yn llwyddiannus heb beryglu’r ddarpariaeth gwasanaethau?

Mae'r sesiwn hon yn gwahodd y gynulleidfa i drafod a yw iechyd a chynaliadwyedd yn flaenoriaethau sy’n cystadlu yn erbyn ei gilydd neu a allant gydgysylltu i weithio tuag at lunio gofal iechyd cynaliadwy yng Nghymru.

Siaradwr:

• Aled Guy, Pennaeth Cynaliadwyedd a Rheoli Carbon Sero Net, Partneriaeth Cydwasanaethau GIG Cymru

Sut all Cymru feithrin cymdeithas decach sy’n hyddysg o ran iechyd?

Mae llythrennedd iechyd yn fwy na dim ond deall gwybodaeth iechyd: mae'n ymwneud â grymuso unigolion i gael mynediad at yr wybodaeth honno'n effeithiol, ei dehongli a gweithredu arni er mwyn gwneud penderfyniadau ar sail gwybodaeth am eu hiechyd a'u gofal. Mae’n ddibynnol, felly, ar ba mor effeithiol y mae llywodraethau, sefydliadau a systemau iechyd a gofal yn cefnogi'r broses hon drwy ddarparu gwybodaeth glir, hygyrch a pherthnasol a mynd i'r afael ag anghydraddoldebau.

Mae llythrennedd iechyd cyfyngedig yn gysylltiedig ag iechyd gwael, mwy o dderbyniadau i'r ysbyty, nifer isel o bobl sy'n manteisio ar wasanaethau ataliol a disgwyliad oes is. Felly, mae buddsoddi mewn llythrennedd iechyd yn talu ar ei ganfed, ac mae’n paratoi pobl i reoli cyflyrau cronig ac ymgysylltu â gweithgarwch ataliol.

Wrth i genhedloedd eraill arwain y ffordd â strategaethau cenedlaethol, bydd y sesiwn hon yn gofyn i gynrychiolwyr drafod sut y gall Cymru roi llythrennedd iechyd wrth wraidd ymdrechion i greu cymdeithas decach ac iachach. Ac o ystyried cymhlethdod ein system gofal iechyd, sut mae dileu rhwystrau a sicrhau mynediad cyfartal at wybodaeth iechyd?

Sut mae wynebu'r heriau mewn perthynas â symud gofal i'r gymuned?

Mae angen cefnogaeth a gofal gwell a mwy cydgysylltiedig ar bobl yn y gymuned er mwyn byw bywydau iach ac i sicrhau bod y system iechyd a gofal yn gynaliadwy ar gyfer y dyfodol. Ac eto er gwaethaf bwriadau da, mae gwneud hyn yn realiti o dan y cyfyngiadau presennol ymhell o fod yn hawdd. Mae angen tynnu atebion o bob rhan o'r sector iechyd a gofal, gwasanaethau cyhoeddus a phoblogaethau lleol.

Bydd y sesiwn hon yn gofyn i'r gynulleidfa drafod sut y gallai'r GIG a phartneriaid fod yn hyblyg wrth gefnogi gwasanaeth mwy personol i gleifion a dinasyddion ac ar yr un pryd helpu i leihau'r galw ar rannau eraill o'r system. Sut allwn ni oresgyn y problemau hyn i alluogi'r newid radical sydd ei angen yn ein cymunedau?

Mae symud tuag at atal yn hanfodol er mwyn helpu pobl i fyw bywydau hirach ac iachach. Ond mae salwch y gellir ei atal ar gynnydd, ac mae cysylltiad clir rhwng ardaloedd o amddifadedd ac anghydraddoldebau mewn canlyniadau iechyd.

Mae symud i ddull ataliol yn y GIG yn hanfodol i wella canlyniadau iechyd ac effeithiolrwydd cost. Ond nid oes gan y GIG yr holl ddulliau i wella iechyd a llesiant. Mae gan bawb rôl i'w chwarae – gan gynnwys llywodraeth leol, y sector gwirfoddol, cyflogwyr, cymunedau ac unigolion.

Bydd y sesiwn hon yn archwilio sut y gall ymyrraeth gynnar, hyrwyddo ffyrdd iach o fyw a chydweithio gwell ar draws sectorau adeiladu system iechyd a gofal fwy cynaliadwy sy'n canolbwyntio ar yr unigolyn. Bydd panel o arweinwyr ar draws y sector yn rhannu enghreifftiau ymarferol o atal dan arweiniad y gymuned ac yn trafod sut y gallwn ni, gyda’n gilydd, ymgorffori atal ar draws pob sector

Cadeirydd y sesiwn:

• Pippa Britton, Cadeirydd, Ymddiriedolaeth GIG Iechyd Cyhoeddus Cymru

Siaradwyr panel:

• Y Cynghorydd Andrew Morgan OBE, Arweinydd CLlLC
• Matthew Brown, Dirprwy Brif Weithredwr, CLlLC
• Y Farwnes Grey-Thompson DBE, Cadeirydd, Chwaraeon Cymru

• Darren Hughes, Cyfarwyddwr, Conffederasiwn GIG Cymru